விஜயின் தமிழக வெற்றி கழக முதல் மாநாடு நேற்று விழுப்புரம் மாவட்டத்தில் உள்ள விக்கிரவாண்டியில் வெகு விமர்சையாக நடைபெற்றது. விஜய் தனது அரசியல் கொள்கைகள், கோட்பாடுகள், அரசியல் முன்னோடிகள், கட்சி கொடி விளக்கம் என அனைத்தையும் விளக்கமாக பேசினார். அது மட்டும் இல்லாமல் அரசியல் கட்சிகளையும் நேரடியாக விமர்சனம் செய்தார். விஜய்யின் பேச்சை கேட்டு அவரது தொண்டர்கள் உற்சாகம் அடைந்தனர். பலரும் விஜய்க்கு ஆதரவாகவும் எதிராகவும் குரல் கொடுத்து வருகின்றனர்.

இந்த நிலையில் விசிக தலைவர் திருமாவளவன் பாசிச எதிர்ப்பு என்பது தமிழ்நாட்டை அல்லது இந்தியாவை பொருத்தவரையில் பாஜக எதிர்ப்பு தான். அவங்க பாசிசம் என்றால் நீங்கள் பாயாசமா? என்று பாசிச எதிர்ப்பாளர்களை நையாண்டி செய்துள்ள விஜய்க்கு பாஜக எதிர்ப்பில் உடன்பாடில்லை என புரிந்து கொள்வதா? என கேள்வி எழுப்பியுள்ளார்.