தமிழகத்தில் மிகவும் எதிர்பார்க்கப்பட்ட மிலாடி நபி விழா தற்போது 17ஆம் தேதி கொண்டாடப்பட உள்ளது. இஸ்லாமிய சமயத்தைச் சேர்ந்தவர்கள் ஆண்டுதோறும் மிகுந்த மகிழ்ச்சியுடன் கொண்டாடும் இந்தப் பண்டிகை, நபிகளின் பிறந்த நாளை நினைவு கூறும் வகையில் கொண்டாடப்படுகிறது.

பொதுவாக பிறை தெரிந்த 12 நாட்களுக்குப் பிறகு இந்தப் பண்டிகை கொண்டாடப்படும். ஆனால், இந்த ஆண்டு தமிழகத்தில் பிறை தெரியாத காரணத்தால், விழா ஒரு நாள் தள்ளிப்போய் 17ஆம் தேதி கொண்டாடப்படும் என தூத்துக்குடி தலைமை ஹாஜி முஜிபூர் ரகுமான் தெரிவித்துள்ளார்.

இந்த மாற்றம் குறித்து இஸ்லாமிய சமயத்தைச் சேர்ந்தவர்கள் மத்தியில் ஏற்பட்டுள்ள உற்சாகம் குறைந்தபாடில்லை. அனைவரும் ஒன்று கூடி இந்தப் பண்டிகையை மிகவும் சிறப்பாக கொண்டாடத் தயாராகி வருகின்றனர்.