கடலூரில் முட்டை விஜய் என்பவர் லாரி ஓட்டுநர்களை அறிவாளால் தாக்கி வழிப்பறியில் ஈடுபட்டுள்ளார். இது குறித்து தகவல் அறிந்த காவல்துறையினர் தீவிர விசாரணை நடத்தினர். அதில் புதுச்சேரியைச் சேர்ந்த விஜய்(19) என்பவர் இந்த வழிப்பறியில் ஈடுபட்டதாக தெரியவந்தது. இதையடுத்து காவல்துறையினர் அவரை தேடும் பணியில் இறங்கினர். அப்போது அவர் எம் புதூர் பகுதியில் பதுங்கி இருப்பதாக காவல்துறையினருக்கு தகவல் கிடைத்தது.

அதன்படி சம்பவ இடத்திற்கு விரைந்து சென்ற காவல்துறையினர் அவரை பிடிக்கும் முயற்சியில் ஈடுபட்டபோது போலீசாரை அறிவாளால் தாக்கியுள்ளார். இதைத்தொடர்ந்து காவல்துறையினர் துப்பாக்கிச் சூடு நடத்தியதாக தகவல்கள் தெரியவந்தது. இதில் அவர் சம்பவ இடத்திலேயே உயிரிழந்தார். மேலும் அவர் மீது 30க்கும் மேற்பட்ட குற்ற வழக்குகள் நிலுவையில் உள்ளதாகவும் காவல்துறையினர் தெரிவித்துள்ளனர்.