அமெரிக்க அதிபர் தேர்தல் நடக்க இருக்கின்றது. இந்நிலையில்  ட்ரம்ப் மற்றும் கமலா ஹாரிஸ் தீவிர பிரச்சாரத்தில் ஈடுபட்டு வருகின்றனர். அவர்கள் இருவரில் யாருக்கு வெற்றி வாய்ப்பு அதிகம் உள்ளது என கருத்து கணிப்புகள் நடைபெற்று வருகின்றன. அந்த வகையில் எஸ்.எஸ். ஆர்.எஸ் என்ற ஆராய்ச்சி நிறுவனம் சுமார் 2000 வாக்காளர்களிடம் கருத்துக்கணிப்பு நடத்தியுள்ளது. அதன் முடிவுகள் தற்போது வெளியாகியுள்ளன. அதில் கமலா ஹாரிஸுக்கும், டிரம்புக்கும் நெருக்கமான போட்டி நிலவு அமெரிக்வதால் வாக்காளர்களால் வெற்றியாளரை தெளிவாக தேர்வு செய்ய முடியாத சூழல் நிலவுகின்றது.

இந்த புதிய கருத்து கணிப்பின்படி, அமெரிக்காவில் 48% பேர் கமலா ஹாரிஸுக்கும், ட்ரம்புக்கு 47% பேர் தங்களது முழு ஆதரவையும் தெரிவித்துள்ளனர். இதனையடுத்து 2 கட்சிகளிலும் இல்லாத வாக்காளர்களில் 45 % பேர் கமலா ஹாரிஸுக்கும், 41% பேர் டிரம்புக்கும் வாக்களிக்க உள்ளதாக கூறியுள்ளனர். இதனை தொடர்ந்து 30 வயதிற்கு குறைவான இளம் வாக்காளர்கள் 55% பேர் கமலா ஹாரிஸுக்கு,ம் 38 %பேர் டிரம்புக்கும் ஆதரவாக உள்ளனர். மேலும் 12 % வாக்காளர்கள் இன்னும் தங்களால் ஒரு முடிவை எடுக்க முடியவில்லை என்று தெரிவித்துள்ளனர்.