பாளையங்கோட்டை குலவணிகர்புரத்தில் வக்கீல் இசக்கி பாண்டியன் என்பவர் வசித்து வருகிறார். இவர் தகவல் அறியும் உரிமைச் சட்டத்தின் கீழ் ஆதிதிராவிடர் மற்றும் பழங்குடியினர் நலத்துறைக்கு பல்வேறு தகவல்களை கேட்டு மனு அனுப்பி இருந்தார். இதற்கு நெல்லை மாவட்ட ஆதிதிராவிடர் மற்றும் பழங்குடியினர் நலத்துறையின் பொது தகவல் அலுவலர் அமுதா பதில் அளித்திருந்தார். அதில் நெல்லையில் கடந்த 2021 முதல் 2025 ஆம் நிதி ஆண்டு வரை சுமார் 1095 பேர் வன்கொடுமையால் பாதிக்கப்பட்டு உள்ளதாக கூறியிருந்தார்.

அதிகபட்சமாக 2021-2022ம் ஆண்டில் 32 பேர் பாதிக்கப்பட்டுள்ளனர். இவ்வாறு பாதிக்கப்பட்டவர்களுக்கு ரூ.11 கோடியே 30 லட்சம் நிவாரணமாக வழங்கப்பட்டுள்ளது. அதிலும் குறிப்பாக 2023-24 ஆம் ஆண்டில் மட்டுமே ரூ.4.69 கோடி ரூபாய் நிவாரணமாக வழங்கப்பட்டுள்ளது. சராசரியாக ஆண்டு ஒன்றிற்கு 250 வழக்குகள் வரை வன்கொடுமை பாதிப்புக்கு உள்ளானவர்கள் புகார் அளிக்கின்றனர் என்று கூறப்பட்டுள்ளது.