தமிழகத்தில் மாற்றுத்திறனாளிகள் மாணவர்களுக்கான ஆண்டு கல்வி உதவி தொகையை இரு மடங்காக உயர்த்தி நேற்று முதல்வர் ஸ்டாலின் அறிக்கை வெளியிட்டார். அதன்படி 1 முதல் 5-ம் வகுப்பு வரையிலான மாணவர்களுக்கு 1000 ரூபாயிலிருந்து 2000 ரூபாயாக கல்வி உதவித்தொகை உயர்த்தப்பட்டுள்ளது. அதன் பிறகு 6 முதல் 8-ம் வகுப்பு வரையிலான மாணவர்களுக்கு 3000 ரூபாயில் இருந்து 6000 ரூபாயாக உதவி தொகை உயர்த்தப்பட்டுள்ளது.

இதைத் தொடர்ந்து 9 முதல் 12-ம் வகுப்பு வரையிலான மாணவர்களுக்கு 4000 ரூபாயில் இருந்து 8000 ரூபாயாக கல்வி உதவித்தொகை உயர்த்தப்பட்டுள்ளது. இதேபோன்று கல்லூரிகளில் படிக்கும் மாணவ மாணவியருக்கும் கல்வி உதவி தொகையானது 6000 ரூபாயில் இருந்து 12000 ரூபாய் வரை உயர்த்தப்பட்டுள்ளது. மேலும் தொழில் கல்லூரிகளிலும் பட்ட மேல் படிப்புகள் எனும் படிக்கும் மாற்றுத்திறனாளி மாணவர்களுக்கும் 14,000 ரூபாய் வரை கல்வி உதவி தொகை உயர்த்தப்பட்டுள்ளது.