வியட்நாமில் ஒரு ஆச்சரிய சம்பவம் நடந்துள்ளது. அதாவது வியட்நாமை சேர்ந்த தந்தை ஒருவருக்கு பள்ளிக்குச் செல்லும் வயதில் ஒரு மகள் இருந்துள்ளார். இந்த சிறுமி வளர வளர அவர் குடும்பத்தில் உள்ளவர்கள் யாரையும் போல இல்லாமல் மிகவும் அழகாக இருந்துள்ளார். இதனால் அவரது தந்தைக்கு சந்தேகம் ஏற்பட்டுள்ளது. எனவே மகளுக்கு டி.என்.ஏ பரிசோதனை செய்துள்ளார். இதில் அந்த சிறுமி அவரது மகள் இல்லை என்று தெரியவந்தது. இதற்குப் பிறகு அவர் தினமும் குடித்துவிட்டு தன் மனைவியிடம் தகராறில் ஈடுபட்டுள்ளார். இதனால் தாய் தனது மகளை அழைத்துக் கொண்டு ஹனோய்-க்கு குடி பெயர்ந்துள்ளார்.

அங்கு தனது மகளை புதிய பள்ளியில் சேர்த்து படிக்க வைத்துள்ளார். இந்நிலையில் தனது மகளின் பிறந்தநாள் விழாவில், அதே நாளில் அவரது தோழியான லான் என்ற சிறுமிக்கும் பிறந்தநாள் கொண்டாடப்பட்டது. இதனை பார்த்த தாய், லான் பார்ப்பதற்கு தன்னை போலவே இருப்பதாக உணர்ந்தார். எனவே தொடர்ந்து ஆராய்ந்து பார்த்ததில் அனைத்திற்கும் விடை கிடைத்துள்ளது. லான் தான் இவர்களின் மகள் என்று தெரியவந்தது. மேலும் இரண்டு குழந்தைகளும் ஒரே மருத்துவமனையில் பிரசவமாகியுள்ளது. இந்நிலையில் மருத்துவமனையில் வைத்து இரண்டு பெண் குழந்தைகளும் இடம் மாறி இருக்கின்றன என்பது தெரியவந்துள்ளது.