இந்த கூட்டத்தொடருக்கான அறிவிப்பு வந்த நாளிலிருந்து இந்த கூட்டத்தொடருக்கான  முக்கிய அலுவல் என்ன ? என்னென்ன மசோதாக்கள் விவாதத்துக்கு கொண்டு வரப்படும் ? என்கின்ற பட்டியலை எதிர்க்கட்சிகள் கேட்டுக் கொண்டிருக்கின்றனர்.  இதுவரை மத்திய அரசு அந்த விவரங்களை வெளியிடவில்லை.  ஆகவே தான்  காங்கிரஸ் கட்சியின் முன்னாள் தலைவரான சோனியா காந்தி இது தொடர்பாக மத்திய அரசுக்கு கடிதமும் எழுதி இருந்தார்.

கடிதம் எழுதி இந்த கூட்டத்தொடரிலே என்ன விவாதிக்க இருக்கிறோம் ? எதற்காக இந்த கூட்டத்தொடர்  நடைபெறுகிறது ? என கேட்டிருந்தார். அதேபோல சபாநாயகர் ஓம் பிர்லா அவர்களுக்கும் அவர் கடிதம் அனுப்பி இருக்கிறார். ஆனால் அப்போதும் மத்திய அரசு  எந்த விவரங்களையும் வெளியிடவில்லை. சபாநாயகர் அலுவலகமும் விவரங்களை வெளியிடவில்லை. ஆகவே ஞாயிற்றுக்கிழமை கூட்டம் நடைபெறும் போது…. இது குறித்து மீண்டும் எதிர்க்கட்சிகள் வலியுறுத்த இருக்கின்றன.