நம் அன்றாட வாழ்வில் ஆதார், பான் கார்டு போன்ற ஆவணங்கள் மிகவும் முக்கியமானவை. ஆனால், இந்த ஆவணங்களை மறந்துவிட்டு வெளியில் சென்று அவதிப்படுவது நம்மில் பலருக்கும் ஏற்படும் ஒரு பொதுவான பிரச்சனை. இனி இதுபோன்ற சூழ்நிலைகளை சந்திக்க வேண்டாம் என்று விரும்புகிறீர்களா?

அப்படியென்றால், இந்திய அரசின் டிஜிலாக்கர் சேவை உங்களுக்கு மிகவும் உதவியாக இருக்கும். டிஜிலாக்கர் வாட்ஸ்அப் மூலம் உங்கள் ஆதார், பான் கார்டு போன்ற முக்கிய ஆவணங்களை எளிதாக பெற உதவும்.

முதலில், உங்கள் மொபைலில் 9013151515 என்ற டிஜிலாக்கர் ஹெல்ப்லைன் நம்பரை சேமித்து வைக்க வேண்டும். பின்னர், இந்த எண்ணுக்கு “Hi” என்று ஒரு மெசேஜ் அனுப்பவும். அதற்கு பதிலாக டிஜிலாக்கர் சேவைகள் குறித்த விவரங்கள் கிடைக்கும். உங்கள் ஆதார் எண் மற்றும் OTP ஐ உறுதிப்படுத்திய பிறகு, உங்களுக்கு தேவையான ஆவணங்களை தேர்ந்தெடுத்து PDF வடிவில் பெற்றுக்கொள்ளலாம்.

டிஜிலாக்கர் மூலம் பான் கார்டு, ஓட்டுனர் உரிமம், பத்தாம் வகுப்பு தேர்ச்சி சான்றிதழ் போன்ற பல முக்கிய ஆவணங்களை சேமித்து வைக்கலாம். இதன் மூலம், உங்கள் ஆவணங்கள் எப்போதும் உங்கள் கையில் இருக்கும். டிஜிலாக்கர் சேவையை பயன்படுத்துவதன் மூலம், நீங்கள் எந்த நேரத்தில், எந்த இடத்தில் இருந்தாலும் உங்கள் ஆவணங்களை எளிதாக அணுகலாம்.