உத்திர பிரதேச மாநிலம் மற்றும் மத்திய பிரதேச மாநிலங்களில் பரவியுள்ள பள்ளத்தாக்கு சம்பல் பள்ளத்தாக்கு. இந்தப் பள்ளத்தாக்கு கொள்ளை, கடத்தல் கும்பல்களின் கூடாரமாக உள்ளது. இந்த சம்பல் பள்ளத்தாக்கில் மிகப்பெரிய கொள்ளை கும்பலில் முக்கிய பங்காற்றியவர் குசுமா நைனின் (60). 1981 இல் இருந்து 2004 வரை உள்ள காலகட்டத்தில் இவர் மீது 60 கிரிமினல் வழக்குகள் பதிவு செய்யப்பட்டுள்ளன.

குசுமா 21 பேர் கொண்ட ராம் அஸ்ரே பக்கா கும்பலின் முக்கிய உறுப்பினர் ஆவார். தாகூர் ஆதிக்கம் நிறைந்த கிராமத்தில் விக்ரம் அல்லா கும்பலை சேர்ந்த பூலன் தேவி 22 பேரை கொலை செய்ததற்கு பழிவாங்கும் விதமாக அஷ்டா கிராமத்தில் உள்ள 15 மல்லாக்களை சுட்டு கொலை செய்தார் குசுமா. இதன் மூலமாக புகழடைந்தார்.

இதனைத் தொடர்ந்து 7 ஆண்டாக ஆயுள் தண்டனை அனுபவித்து வந்த குசுமா எட்டாவா சிறையில் காசநோய் முற்றிய நிலையில் லக்னோவில் உள்ள கிங் ஜார்ஜ் மருத்துவமனை இல் சிகிச்சை பெற்று வந்தார்.  இந்த நிலையில் கடந்த மார்ச் 3ஆம் தேதி உயிரிழந்தார். இவரது இறுதிச் சடங்கு அவரது கணவர் கேதார் என்பவரின் வீட்டில் காவல்துறைகளின் பாதுகாப்போடு நடந்து முடிந்தது.