மலையாள திரையுலகின் முதுபெரும் நடிகர் டி.பி. மாதவன் (88) இன்று (அக். 9) காலமானார். வயது மூப்பு காரணமாக உடல்நலக்குறைவு ஏற்பட்டதால், அவர் கொல்லத்தில் உள்ள தனியார் மருத்துவமனையில் சிகிச்சை பெற்று வந்த நிலையில், உயிரிழந்தார். தனது திரைப்பட வாழ்க்கையில் 600க்கும் மேற்பட்ட படங்களில் நடித்து புகழ்பெற்ற அவர், மலையாள நடிகர் சங்கத்தின் முதல் பொதுச் செயலாளராகவும் இருந்தார்.

மாதவன் கடந்த காலங்களில் வில்லன் மற்றும் காமெடி பாத்திரங்களில் நடித்தார், பின்னர் குணச்சித்திரக் கதாபாத்திரங்களில் சாய்ந்து முன்னணியில் இருந்தவர். அவரது மறைவுக்கு மலையாள திரையுலகினர் மற்றும் பல்வேறு பிரபலங்கள் இரங்கல் தெரிவித்துள்ளனர்.