நடிகர் சூர்யா ஏற்கனவே விமான நிறுவன அதிபர் கோபிநாத் வாழ்க்கை வரலாற்றை அடிப்படையாக வைத்து தயாராகிய சூரரை போற்று திரைப்படத்தில் நடித்திருந்தார். இந்த படத்துக்கு பெரிய வரவேற்பு கிடைத்தது. இந்நிலையில் மீண்டும் கேரளாவை சேர்ந்த பிரபல தொழிலதிபர் ராஜன் பிள்ளை வாழ்க்கை கதையில் சூர்யா முக்கியமான கதாபாத்திரத்தில் நடிக்க உள்ளதாக கூறப்படுகிறது. இதில் தொழிலதிபரின் கதாபாத்திரத்தில் பிருத்திவிராஜ் நடிக்க இருப்பதாகவும் சமூகவலைத்தளங்களில் தகவல் பரவியுள்ளது.

இப்படம் தமிழ், தெலுங்கு, மலையாளம், இந்தி, கன்னடம் போன்ற 5 மொழிகளில் பான் இந்தியா படமாக தயாராக உள்ளதாக கூறப்படுகிறது. சூர்யா தன் மனைவி ஜோதிகாவுடன் அண்மையில் பிருத்திவிராஜ் வீட்டுக்கு நேரில் சென்று அவரை சந்தித்தார். இந்நிலையில் இந்த படம் பற்றி பேசியதாகவும் இதற்கான அதிகாரப்பூர்வமான அறிவிப்பு விரைவில் வெளியாகும் என்றும் கூறப்படுகிறது. பிருத்திவிராஜ் ஏற்கனவே தமிழில் பல்வேறு படங்களில் நடித்திருக்கிறார். தற்போது சூர்யாவுடன் இணைந்து நடிக்க இருப்பதாகவும் வெளியாகியுள்ள தகவல் மூலம் படத்தின் மீதான எதிர்பார்ப்பு அதிகரித்துள்ளது.