தமிழ் திரையுலகில் திரைப்பட இயக்குனரும், நடிகருமாக திகழ்பவர் பிரதீப் ரங்கநாதன். இவர் பல குறும்படங்களை இயக்கி வந்த நிலையில் கோமாளி என்ற திரைப்படத்தின் மூலம் தமிழ் சினிமாவில் இயக்குனராக அறிமுகமானார். அதன் பிறகு “லவ் டுடே” என்ற திரை படத்தின் மூலம் கதாநாயகனாக நடித்த இவர் ரசிகர்கள் மத்தியில் மிகுந்த வரவேற்பை பெற்றார். இந்நிலையில் இவருடைய நடிப்பில் கடந்த பிப்ரவரி 21 ஆம் தேதி டிராகன் திரைப்படம் வெளியானது.

இந்த படத்தை இயக்குனர் அஸ்வத் மாரிமுத்து இயக்கியிருந்த நிலையில் இந்த படம் ரசிகர்கள் மத்தியில் நல்ல வரவேற்பை பெற்று ரூ.150 கோடி வசூல்  சாதனை புரிந்துள்ளது. தற்போது இந்த படத்தின் ஓடிடி ரிலீஸ் குறித்த அறிவிப்பை பட குழுவினர் வெளியிட்டுள்ளனர். மேலும் அதன்படி இந்த படம் வரும் மார்ச் 21ஆம் தேதி நெட்பிளிக்ஸ் ஒடிடி தளத்தில் வெளியாக உள்ளது.