நாமக்கல் மாவட்டம், அலமேடு அரசுப் பள்ளியில் தலைமை ஆசிரியர் மற்றும் ஆசிரியர்கள் மாணவிகளுக்கு பாலியல் தொல்லை அளிப்பதாக புகார் எழுந்துள்ளது. இந்த விவகாரம் தொடர்பாக பாதிக்கப்பட்ட மாணவிகளின் பெற்றோர், இன்று காலை வனத்துறை அமைச்சர் மதிவேந்தனின் காரை முற்றுகையிட்டு தங்கள் குறைகளை தெரிவித்துள்ளனர்.
பெற்றோர்கள் கூறுகையில், இந்த பிரச்சினை குறித்து மாவட்ட ஆட்சியர் உமாவிடம் பலமுறை புகார் அளித்தும் எந்தவித நடவடிக்கையும் எடுக்கப்படவில்லை என குற்றம் சாட்டியுள்ளனர். இதனால் வேறு வழியின்றி அமைச்சரை நேரில் சந்தித்து தங்கள் குறைகளை தெரிவிக்க வேண்டிய நிலை ஏற்பட்டுள்ளது என தெரிவித்துள்ளனர்.
இந்த சம்பவம் பள்ளிகளில் மாணவிகளின் பாதுகாப்பு குறித்த கேள்விக்குறியை எழுப்பியுள்ளது. அரசுப் பள்ளிகளில் இதுபோன்ற சம்பவங்கள் நடப்பது பெரும் அதிர்ச்சியை ஏற்படுத்தியுள்ளது. இந்த விவகாரத்தில் உடனடியாக நடவடிக்கை எடுத்து குற்றவாளிகள் மீது கடும் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.
