இந்தியாவில் கடந்த 2 வருடங்களாக கொரோனா வைரஸ் மக்களை சிரமப்படுத்தி வருகிறது. கொரோனாவை தடுப்பதற்கு அரசு பல்வேறு நடவடிக்கைகளை எடுத்தது. அதன்படி கொரோனா கட்டுப்பாட்டிற்குள் வந்தது. எனினும் கடந்த சில வாரங்களாக கொரோனா பரவல் அதிகரிக்க துவங்கி இருக்கிறது.

இதன் காரணமாக மக்கள் எச்சரிக்கையுடன் இருக்கவேண்டும் என சுகாதாரத்துறை அமைச்சகம் அறிவுறுத்தி இருக்கிறது. இதனிடையே இன்று ஒரே நாளில் 6,155 பேருக்கு தொற்று உறுதியானது.கொரோனாவால் 11 பேர் இறந்த நிலையில், சிகிச்சை பெறுவோரின் எண்ணிக்கை 31,194 ஆக உயர்ந்துள்ளது.

இந்நிலையில் ராமநாதபுரம் கிளை சிறையில் கைதிகள் 2 பேருக்கு கொரோனா வைரஸ் பாதிப்பு உறுதியாகி இருக்கிறது. இதையடுத்து கொரோனா பாதித்தவர்கள் இருவரும் ராமநாதபுரம் அரசு மருத்துவ கல்லூரி மருத்துவமனையில் சிகிச்சைக்காக அனுமதிக்கப்பட்டுள்ளனர்.