டெல்லியில் சட்டமன்றத் தேர்தல் அடுத்த மாதம் பிப்ரவரி 5ம் தேதி நடைபெற உள்ளது. இந்நிலையில் ஆம் ஆத்மி, பாஜக, காங்கிரஸ் இடையே பெரும் போட்டி நிலவி வருகிறது. இந்நிலையில் தேர்தல் பிரச்சாரம் சூடு பிடித்துள்ளது. ஆம் ஆத்மி கட்சியின் தலைவர் அரவிந்த் கெஜ்ரிவாலை பாஜக தலைவர்கள் விமர்சித்து வருகின்றனர். அதேபோன்று பிரதமர் மோடி, அமித்ஷா, மத்திய அரசை ஆம் ஆத்மி கட்சியினர் தாக்கி பேசி வருகின்றனர். காங்கிரஸ் தலைவர்களை, ஆம் ஆத்மி கட்சியினர் இதுவரை பெரிதாக தாக்கியது கிடையாது. நேற்று முன்தினம் ராகுல் காந்தி மோசமான கட்டுமானம், பணவீக்கம், வேலையின்மை, மாசு, ஊழல் கொண்ட டெல்லி ஆகும்.

பிரதமர் மோடி மற்றும் கெஜ்ரிவால் செய்யும் பொய் பிரச்சாரம் மற்றும் பி ஆர் மாடல் விரும்பவில்லை என்றும் கூறினார். ஆம் ஆத்மி கட்சி நேர்மையற்ற மனிதர்களை விட கெஜ்ரிவாலின் நேர்மை உயர்வு என்பதை சுட்டிக்காட்டி ஒரு போஸ்டரை வெளியிட்டது. அதில் நேர்மையற்ற வரிசையில் பிரதமர் மோடி, அமித்ஷா, யோகி ஆதித்யநாத், டெல்லி பாஜக தலைவர்கள் பலரது புகைப்படங்கள் இடம் பெற்றுள்ளது. அதில் ராகுல் காந்தியின் படமும் இடம்பெற்றுள்ளது. இதன் மூலம் ராகுல் காந்தியை ஆம் ஆத்மி கட்சி நேரடியாக தாக்கியுள்ளது. பாராளுமன்ற தேர்தலில் இந்தியா கூட்டணியில் காங்கிரஸ், ஆம் ஆத்மி கட்சியும் இடம்பெற்று இருந்தது. ஆனால் தற்போது தனித்தனியாக போட்டியிடுகின்றது.

தேர்தல் தேதி அறிவிக்கப்படுவதற்கு முன்பாகவே காங்கிரஸ் தலைவர் அஜய் மக்கான், அரவிந்த் கெஜ்ரிவாலை தேசத்துரோகி என்று கூறினார். இதனால் அவர் மீது காங்கிரஸ் நடவடிக்கை எடுக்கவில்லை என்றால், இந்தியா கூட்டணியில் இருந்து காங்கிரஸ் கட்சியை வெளியேற்றுவோம் என்று ஆம் ஆத்மி தெரிவித்திருந்தது. இதற்கு பாஜக எம்.பி அனுராக் தாகூர் பதிலடி கொடுத்துள்ளார். இது தொடர்பாக அவர் கூறியதாவது, என்னுடைய கேள்வி ஒன்றுதான் டெல்லி முதல்வர் அதிஷி நேர்மையற்றவரா? போஸ்டரில் அவருடைய புகைப்படம் மட்டும் ஏன் இடம்பெறவில்லை. கெஜ்ரிவால் பெண்களுக்கு எதிரானவர் அவர் தன்னை மட்டும் பார்க்கிறார். இருப்பினும் மக்கள் அவரைப் பார்த்து சிரிக்கின்றனர். டெல்லியில் மிகவும் நேர்மையாக நபர் அவர்தான், அவர் தன்னை டெல்லியின் ஷெஹென்ஷா என்று நினைத்துக் கொள்கிறார் என்றார்.