மலையாள சினிமாவின் முன்னணி நடிகர் நிவின் பாலி மீது பாலியல் புகாரின் பேரில் வழக்குப்பதிவு செய்யப்பட்டுள்ளது. இந்த செய்தி மலையாளம் மட்டுமின்றி தமிழ் சினிமா ரசிகர்களையும் அதிர்ச்சியடைய வைத்துள்ளது.
நெரியமங்கலத்தைச் சேர்ந்த பெண் ஒருவர், பட வாய்ப்பு வாங்கித் தருவதாகக் கூறி வெளிநாட்டில் வைத்து நிவின் பாலி தன்னை பாலியல் ரீதியாக துன்புறுத்தியதாக எர்ணாகுளம் காவல் நிலையத்தில் புகார் அளித்துள்ளார்.
இந்த புகாரின் அடிப்படையில், நிவின் பாலி மீது வழக்கு பதிவு செய்யப்பட்டு விசாரணை நடைபெற்று வருகிறது.
தமிழ் சினிமாவில் ‘பிரேமம்’, ‘நேரம்’ போன்ற படங்களின் மூலம் பிரபலமான நிவின் பாலி மீதான இந்த புகார், தமிழ் ரசிகர்களிடையே பெரும் அதிர்ச்சியை ஏற்படுத்தியுள்ளது. இவர் மீதான குற்றச்சாட்டுகள் உண்மையெனில், இது தமிழ் சினிமா உலகிலும் பெரும் பரபரப்பை ஏற்படுத்தியுள்ளது.
