மத்திய பிரதேச மாநிலம் ஜபல்பூரில் நேற்று அதிகாலை ஒரு விரைவு ரயில் தடம் புரண்டு விபத்துக்குள்ளானது. இந்தூர் நகரிலிருந்து புறப்பட்ட இந்த ரயிலின் இரண்டு பெட்டிகள் திடீரென தண்டவாளத்தை விட்டு இறங்கியதால் பயணிகள் பெரும் அதிர்ச்சியடைந்தனர்.
இந்த விபத்து ஜபல்பூர் ரயில் நிலையம் அருகே நிகழ்ந்ததால், ரயில் குறைந்த வேகத்தில் சென்று கொண்டிருந்தது. இதன் காரணமாக பெரும் அசம்பாவிதம் தவிர்க்கப்பட்டது. இருப்பினும், இந்த சம்பவம் பயணிகளுக்கு பெரும் பீதியை ஏற்படுத்தியுள்ளது.
அண்மைக் காலமாக நாட்டின் பல்வேறு பகுதிகளில் ரயில் விபத்துகள் தொடர்ந்து நிகழ்ந்து வருவது பெரும் கவலைக்குரிய விஷயமாகும். ரயில்வே பாதுகாப்பு குறித்து அரசு தீவிர நடவடிக்கை எடுக்க வேண்டிய எனவும் இந்த விபத்துகளுக்கு காரணம் என்ன என்பது குறித்து விரிவான விசாரணை நடத்தி, தகுந்த நடவடிக்கை எடுக்க வேண்டும் எனவும் வேண்டுகோள் விடுக்கப்பட்டுள்ளது.
