ஆக்ரா நகரில் அமைந்துள்ள தாஜ்மஹாலில் செடிகள் வளர்ந்திருப்பதற்கான புகைப்படம் சமீபத்தில் சமூக வலைத்தளங்களில் பரவி பரபரப்பை ஏற்படுத்தியது. உலகின் பிரபலமான சுற்றுலா தலமாக விளங்கும் தாஜ்மஹாலை சரியாக பராமரிக்கவில்லை என்று நெட்டிசன்கள் கடுமையாக விமர்சித்தனர். இது தாஜ்மஹால் பார்வைக்கு வரும் பலரின் கவனத்தை ஈர்த்துள்ளது.
தாஜ்மஹால் மேற்கூரையில் செடிகள் வளர்வது மட்டும் அல்லாமல், நீர் கசிவு ஏற்பட்டதாகவும் தகவல்கள் வெளியாகியுள்ளன. இந்த சம்பவங்கள், இத்தகைய வரலாற்று சிறப்புமிக்க இடங்கள் சீராக பராமரிக்கப்பட வேண்டிய அவசியத்தை நினைவூட்டுகின்றன.
இந்த விவகாரத்தில் விளக்கம் அளித்த தொல்லியல்துறை அதிகாரி ராஜ்குமார் படேல், “கடந்த ஆகஸ்ட் மாதமே சில இடங்களில் வளர்ந்திருந்த செடிகள் அகற்றப்பட்டன. தற்போது ஏற்பட்டுள்ள செடிகள் விரைவில் அகற்றப்படும்” என்று தெரிவித்தார்.
