தெலுங்கு சினிமாவின் முன்னணி நடிகராக வலம் வரும் நானி, அந்தே சுந்தராணிகி திரைப்படத்தின் வெற்றியை அடுத்து தற்போது “தசரா” படத்தில் நடித்து உள்ளார். இந்த படத்தை டைரக்டர் ஸ்ரீகாந்த்  ஒடேலா இயக்குகிறார். இப்படத்தில் நாயகியாக கீர்த்தி சுரேஷ் நடிக்க, பிரகாஷ் ராஜ் சமுத்திரக்கனி, சாய்குமார், பூர்ணா மற்றும் ஜரீனா வஹாப் உட்பட பலர் முக்கியமான  கதாப்பாத்திரத்தில் நடித்துள்ளனர். ஸ்ரீலக்ஷ்மி வெங்கடேஸ்வரா கிரியேஷன்ஸ் சார்பாக சுதாகர் செருக்குரி தயாரித்திருக்கும் இந்த படத்திற்கு சத்யன் சூரியன் ஒளிப்பதிவு செய்துள்ளார்.

அத்துடன் சந்தோஷ் நாரயணன் இசையமைத்துள்ளார். இந்த படத்தின் அப்டேட்டுகள் அடுத்தடுத்து வெளியாகி ரசிகர்களை கவர்ந்து வருகிறது. அதனை தொடர்ந்து இப்படத்தின் 3-வது பாடலான “மைனரு வேட்டிக்கட்டி” பாடல் வெளியாக இருப்பதாக படக்குழு போஸ்டர் ஒன்றை வெளியிட்டு அறிவித்திருந்தது. அந்த வகையில் இந்த படத்தின் தெலுங்கு வெர்ஷன் வெளியாகி இருக்கிறது. இப்பாடலை ரசிகர்கள் சமூகவலைதளத்தில் அதிகம் பகிர்ந்து வருகின்றனர்.