சென்னையில் கனமழை எச்சரிக்கை காரணமாக பொதுமக்கள் பலர், நேற்று தங்களது வாகனங்களை வேளச்சேரி, தி.நகர் போன்ற இடங்களில் இருக்கும் மேம்பாலத்தில் நிறுத்தி வைத்து வருகின்றனர். இதற்கு போக்குவரத்து துறை அதிகாரிகள் மேம்பாலத்தில் நிறுத்தி வைக்கப்பட்டிருக்கும் வாகனங்களுக்கு அபராதம் விதிக்கப்பட்டு வருவதாக நேற்று வீடியோக்களுடன் செய்திகள் சமூக வலைதளங்களில் வெளியானது. இதற்கு மறுப்பு தெரிவித்த போக்குவரத்து காவல்துறை அதிகாரிகள் செய்தி ஒன்று வெளியிட்டுள்ளது.

அதில் அவர்கள் கூறியதாவது, பாலத்தில் நிறுத்தப்பட்டு இருக்கும் வாகனங்களுக்கு அபராதம் விதிக்கப்படவில்லை. தற்போது வரை எந்த ஒரு கட்டணமும் வசூலிக்கப்படவில்லை. அப்படி வெளியாகும் செய்திகள் எல்லாம் வதந்தி தான். அதேசமயம் கனமழை எச்சரிக்கையின் காரணமாக போக்குவரத்து காவல்துறை அதிகாரிகளுக்கு பல்வேறு அறிவுறுத்தல்கள் வழங்கப்பட்டு வருகின்றது. குறிப்பாக மழைக்காலங்களில் பொதுமக்கள் வாகனங்களை பாதுகாப்பாக நிறுத்தி வைக்க சில இடங்கள் ஒதுக்கி வைக்கப்பட்டுள்ளது.

அதேசமயம் சென்னை தெற்கு மற்றும் கிழக்கு பகுதிகளில் உள்ளவர்கள் 044 23452362 என்ற எண்ணிற்கும், மேற்கு மற்றும் வடக்கு பகுதியில் உள்ளவர்கள் 044 23452330 என்ற எண்ணிற்கும் தொடர்பு கொள்ளலாம் என்று கூறியுள்ளார்.