அமெரிக்காவின் லாஸ் ஏஞ்சல்ஸில் சர்வதேச விமான நிலையம் ஒன்று உள்ளது. இந்நிலையில் கடந்த வெள்ளிக்கிழமை அன்று விளையாட்டுப் போட்டிக்காக கோன்சாகா பல்கலைக்கழக கூடைப்பந்து அணி மாணவர்களை  ஏற்றிச் சென்று தனியார் ஜெட் விமானம் ஒன்று புறப்பட்டது. இந்த விமானம் மாலை 4:30 மணி அளவில் விமான நிலையத்தின் ஓடுபாதையில் புறப்பட நகர்ந்து கொண்டிருந்தது.

அப்போது அதே நேரத்தில் புறப்பட்ட அட்லாண்டாவுக்கு செல்லும் ஏர்பஸ் A321 டெல்டா விமானத்தோடு மோத சென்றது. ஆனால் தக்க சமயத்தில் தனியார் ஜெட் நிறுத்தப்பட்டதால் விபத்து தவிர்க்கப்பட்டது. இந்த 2 விமானங்களும் நெருங்கிய பரபரப்பான காட்சிகள் சமூக வலைதளத்தில் வைரலாகி வருகிறது. கடந்த ஞாயிற்றுக்கிழமை அன்று தென்கொரியாவில் முவான் சர்வதேச விமான நிலையத்தில் நடந்த கோரமான விபத்தில் 179 பேர் உயிரிழந்தது குறிப்பிடத்தக்கது.