மே 31 ஆம் தேதி வெளியான கருடன் திரைப்படம் ஆனது பத்து நாட்களில் 50 கோடி வரை வசூல் சாதனை செய்துள்ளது. சூப்பர் ஸ்டார் ரஜினிகாந்த் நடிப்பில் வெளியான லால் சலாம் படத்தின் மொத்த வசூலையும் இந்த படம் முந்தி சாதனை படைத்துள்ளது. ஆர்எஸ் துரை செந்தில்குமார் இயக்கத்தில், சூரி, சசிகுமார் உள்ளிட்ட பல சினிமா நட்சத்திரங்கள் நடிக்கும் திரில்லர் திரைப்படம் கருடன்.

இந்த படத்தை தயாரிப்பாளர் கே.குமார் மற்றும் இயக்குனர்  வெற்றிமாறன் இணைந்து  தயாரித்தார்கள். இசையமைப்பாளர் யுவன் சங்கர் ராஜாவும் இசையமைத்துள்ளார். குடும்பத்தோடு ரசிக்கும் வகையில் அதிரடி திரில்லர்  திரைப்படமாக இந்த படத்திற்கு ஒளிப்பதிவாளர் ஆர்தர் எ.வில்சன் ஒளிப்பதிவு செய்துள்ளார். இந்த திரைப்படம் வெளியான முதல் நாளில் இருந்து ரசிகர்கள் மத்தியில் கொண்டாடப்பட்டு வருகிறது.