தமிழ் சினிமாவில் முன்னணி நடிகராக திகழ்பவர் சூப்பர் ஸ்டார் ரஜினிகாந்த். இவர் நடிப்பில் சமீபத்தில் வேட்டையன் திரைப்படம் வெளியாகி நல்ல வரவேற்பை பெற்றது. சமூகப் பொறுப்புணர்வு நிறைந்த படமாக வேட்டையன் உருவாகியுள்ளதாக பலரும் வாழ்த்துக்களை தெரிவித்திருந்தனர். இந்த படத்தை த.செ. ஞானவேல் இயக்கி இருந்த நிலையில் ரித்திகா சிங், மஞ்சு வாரியர் உள்ளிட்ட பலர் முக்கிய கதாபாத்திரங்களில் நடித்த நிலையில் இந்த படம் நல்ல வரவேற்பை பெற்றது.

இந்நிலையில் வேட்டையன் திரைப்படம் ஓடிடியில் ரிலீசாகும் தேதியை தற்போது படக்குழு அறிவித்துள்ளனர். அதன்படி நவம்பர் 8-ம் தேதி அமேசான் பிரைம் ஓடிடி தளத்தில் படம் ரிலீஸ் ஆக இருக்கிறது. மேலும் இந்த தகவல் ரஜினி ரசிகர்கள் மத்தியில் மகிழ்ச்சியை ஏற்படுத்தியுள்ளது.