பசிபிக் பெருங்கடலின் தென்மேற்கு பகுதியில் அமைந்துள்ள நியூசிலாந்தில் தென்மேற்கு பகுதிகளில் உள்ள தீவுகளில் இன்று அதிகாலை அதாவது இந்திய நேரப்படி காலை 5:30 மணி அளவில் மிகப்பெரிய நிலநடுக்கம் ஏற்பட்டுள்ளது. இதன் ரிக்டர்  அளவு 6.5 ஆக பதிவானதாக கூறப்படுகிறது. ரிவார்டன் பகுதியிலிருந்து  தென்மேற்கில்  170 கிலோமீட்டர் தொலைவில் கடலுக்கு நடுவே மையமாகக் கொண்டு இந்த நிலநடுக்கம் ஏற்பட்டிருக்கலாம் என ஆராய்ச்சியாளர்கள் கூறுகின்றனர்.

இந்த நிலநடுக்கத்தால் வீடுகள் திடீரென குழுங்கியதாகவும், வீட்டில் உள்ள பொருட்கள் அதிர்ந்ததால் பொதுமக்கள் அதிர்ச்சியில் வீட்டை விட்டு வெளியேறி உள்ளனர். இந்த நிலநடுக்கத்தால் பாதிப்புகள் எதுவும் ஏற்பட்டதாக இதுவரை எந்த ஒரு தகவலும் வெளிவரவில்லை. மேலும் சுனாமி எச்சரிக்கை எதுவும் அறிவிக்கப்படவில்லை.

தேசிய அவசரநிலை மேலாண்மை நிறுவனம் இந்த நிலநடுக்கத்தின் முதல் ரிக்டர் அளவு 7 என பதிவானதாக கூறியது. அதன் பின் அதனை மறுத்தது. நியூசிலாந்தில் ஏற்கனவே இதே போன்று கெர்மடெக் தீவில் கடந்த ஏப்ரல் மாதம் மிக சக்தி வாய்ந்த நிலநடுக்கம் ஏற்பட்டுள்ளது இதன் ரிக்டர்  அளவு 7.2வாக பதிவாகியுள்ளது குறிப்பிடத்தக்கதாகும்.