ஐபிஎல் 2025 தொடரில் டெல்லி கேபிடல்ஸுக்காக களம் இறங்கிய கே.எல். ராகுல், தனது வெற்றிகரமான பேட்டிங் ஃபார்மை தொடர்ந்துள்ளார். சென்னை சூப்பர் கிங்ஸுக்கு எதிராக அரைசதம் அடித்ததையடுத்து, தற்போது பெங்களூருவில் நடைபெற்ற ராயல் சேலஞ்சர்ஸ் பெங்களூரு அணிக்கு எதிரான போட்டியிலும் அவர் அசத்தினார். 5-வது ஓவரில் களமிறங்கி, கடைசி வரை களத்தில் நிலைத்து நின்று, 93 ரன்கள் வரை விளாசி அணியை வெற்றிக்கு அழைத்து சென்றார்.

போட்டியின் தொடக்கத்தில் டெல்லி அணிக்கு சில விரைவான விக்கெட்டுகள் இழந்ததால் அழுத்தமான சூழ்நிலை உருவானது. ஆனால், கே.எல். ராகுல் அந்த அழுத்தத்தை தழுவிக்கொண்டு, ஆரம்பத்தில் கவனமாகவும் பின்பு  அதிரடியாகவும் ஆடி, 53 பந்துகளில் 7 பவுண்டரிகள் மற்றும் 6 சிக்ஸர்களுடன் 17-5க்கு மேல் ஸ்ட்ரைக் ரேட்டில் அதிரடி ஆட்டம் ஆடினார். 18வது ஓவரில் யஷ் தயால் வீசிய பந்தை லாங் லெக் ஓவராக சிக்ஸாக பறக்கவிட்டதுடன், “I’m Here” என மார்பை சாய்த்த கொண்டாட்டம் ரசிகர்களை  சிலிர்க்க வைத்தது.

 

அவருடன் பேட்டிங் செய்த டிரிஸ்டன் ஸ்டப்ஸ் 38 ரன்கள்  வரை எடுத்து வெற்றிக்கு உறுதியளித்தார். அவர் பேட்டியில், “நான் அதிகமாக ஏதும் செய்ய வேண்டிய நிலை இல்ல. ராகுல் தனியே மேட்ச் வென்றது போல இருந்தது,” எனக் குறிப்பிட்டார். தொடக்கத்தில் விக்கெட்டுகள் விழுந்தாலும், ராகுல் தாக்கம் காரணமாக ரன் ரேட் சீராகவே இருந்தது. டெல்லி 6 விக்கெட்டுகள் இழப்பில் இலக்கை எளிதாக கடந்தது குறிப்பிடத்தக்கது.