தென்னிந்திய சினிமாவில் பிரபல நடிகராக அறியப்பட்டவர் மோகன்லால். இவரது நடிப்பில் 2019 ஆம் ஆண்டு வெளியான திரைப்படம் லூசிஃபயர். இந்த படத்தை பிரபல நடிகர் பிரித்திவிராஜ் தான் இயக்கியிருந்தார். லூசிஃபயர் படத்தின் வெற்றியை தொடர்ந்து தற்போது அந்த படத்தின் இரண்டாம் பாகம் தயாராகியுள்ளது.
இந்த படத்திற்கு l2 எம்புரான் என பெயரிட்டுள்ளனர். இந்த படத்தில் மோகன்லால், மஞ்சு வாரியார், டோவினோ தாமஸ், பிரித்திவிராஜ் ஆகியோர் நடித்துள்ளனர். இந்த படம் மார்ச் மாதம் 27ஆம் தேதி திரையரங்குகளில் வெளியாகும் என்று கூறப்பட்டுள்ளது.
இந்நிலையில் இந்த படத்தின் டீசரை பட குழு வெளியிட்டுள்ளது. மலையாளம், தமிழ், ஹிந்தி, தெலுங்கு மற்றும் கன்னடம் என ஐந்து மொழிகளில் இந்த படம் வெளியாவது குறிப்பிடத்தக்கது.
