கிருஷ்ணகிரி மாவட்டம் வேப்பனஹள்ளி அருகே நெடுமருதி அரசு மேல்நிலைப் பள்ளியில் படித்த இரண்டு கைகளையும் இழந்த க்ரித்தி வர்மா என்ற மாற்றுத்திறனாளி மாணவன் பத்தாம் வகுப்பு பொதுத் தேர்வில் 437 மதிப்பெண்கள் பெற்று பள்ளி அளவில் முதலிடம் பெற்று அசத்தியுள்ளார். இரண்டு கைகளையும் இழந்த நிலையில் நம்பிக்கையை விடாமல் சாதித்த மாணவர் குறித்த செய்தியானது முதலமைச்சர் கவனத்திற்கு சென்ற நிலையில் முதல்வர் மு க ஸ்டாலின் அந்த மாணவனுக்கு கைகளை பொருத்த உடனடியாக உதவியுள்ளார்.

இந்நிலையில், க்ரித்தி வர்மாவுக்கு வாழ்த்து தெரிவித்த விஜய் மக்கள் இயக்கத்தினர், விஜய் அவரை நேரில் சந்திக்க அழைப்பு விடுத்துள்ளதாகவும் தெரிவித்துள்ளனர்.