இந்தியாவில் சர்க்கரை நோய் அதிகளவு பாதித்த மாநிலங்களில் தமிழகம் இரண்டாவது இடத்தில் உள்ளதாக தேசிய புள்ளி விவரங்கள் தெரிவிக்கிறது. இந்தியாவைப் பொறுத்தவரை சர்க்கரை நோய்  பாதிப்பில் கேரளா முதலிடத்தில் இருக்கிறது. கேரளாவில் 27.4% பேர் சர்க்கரை நோயால் பாதிக்கப்பட்டுள்ளனர். அதன் பிறகு தமிழகம் இரண்டாவது இடத்தில் இருக்கும் நிலையில் 22.3 சதவீதம் பேர் சர்க்கரை நோயால் பாதிக்கப்பட்டுள்ளனர். இதைத்தொடர்ந்து மூன்றாவது இடத்தில் ஆந்திர மாநிலம் இருக்கிறது.

ஆந்திராவில் 21.1 சதவீதம் பேர் சர்க்கரை நோயால் பாதிக்கப்பட்டுள்ளனர். இந்தியா முழுவதும் 19 கோடிக்கும் அதிகமானோர் சர்க்கரை நோயால் பாதிக்கப்பட்டுள்ள நிலையில் வடமாநிலங்களை காட்டிலும் தென் மாநிலங்களில் தான் சர்க்கரை பாதிப்புகள் அதிக அளவில் இருப்பதாக தேசிய புள்ளிவிவர தரவுகள் தெரிவிக்கிறது. இதற்கு காரணம் தென்னிந்தியாவின் உணவு பழக்க வழக்கங்கள் மற்றும் அது சார்ந்த மரபணு போன்றவைகள் என்று கூறப்படுகிறது. மேலும் வட மாநிலங்களான டெல்லி, உத்திரபிரதேசம், ராஜஸ்தான் போன்ற மாநிலங்களில் 12 சதவீதத்திற்கும் குறைவாகவே சர்க்கரை நோய் பாதிப்புகள் இருக்கிறது.