தமிழகத்தில் கத்திரி வெயில் ஆரம்பித்துள்ள நிலையில் பல்வேறு இடங்களில் வெயில் அதிக அளவில் இருக்கிறது. பல்வேறு இடங்களில் வெயிலின் தாக்கம் அதிகமாக இருக்கும் நிலையில் சில இடங்களில் மழை பெய்து வருகிறது. அந்த வகையில் தமிழகத்தில் நாளை 7 மாவட்டங்களில் மழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது. அதன் பிறகு இன்று நீலகிரி உட்பட 37 இடங்களில் கோடை மழை பெய்துள்ளது. அதன்படி நீலகிரி ஆதார் எஸ்டேட் பகுதியில் உள்ள பென்னாகரம் பகுதியில்  24 மணி நேரத்தில் அதிக மழை (5 செ.மீ.) பதிவாகியுள்ளது. அதன்பிறகு கரூர் பரமத்தி மாநிலத்தில் அதிகபட்சமாக   44°C (111°F) பதிவாகியுள்ளது

இதனையடுத்து கோவை, கடலூர், பரங்கிப்பேட்டை, தருமபுரி, நாகை ஆகிய இடங்களில் 38 டிகிரி செல்சியஸ் வெப்பநிலை பதிவாகியுள்ளது. சென்னை மீனம்பாக்கத்தில் 39 டிகிரி செல்சியஸ்-ம், மதுரை மற்றும் தஞ்சாவூர் பகுதிகளில்  40 டிகிரி செல்சியசும் வெப்பநிலை பதிவாகியுள்ளது.
இதேபோன்று சேலம் மற்றும் பாளையங்கோட்டையில்  41 டிகிரி செல்சியஸ் வெப்பநிலையும்,
திருப்பத்தூர், திருச்சி, திருத்தணி, மதுரை விமான நிலையம், வேலூர் ஆகிய இடங்களில் 42 டிகிரி செல்சியஸ் வெப்பநிலையும், ஈரோட்டில்  43 டிகிரி செல்சியஸ் வெப்பநிலையும் பதிவாகியுள்ளது.

கொடைக்கானலில் 23 டிகிரி செல்சியஸ் வெப்பநிலை இருந்தது. ஊட்டி மற்றும் குன்னுார் 26 டிகிரி செல்சியஸ் வெப்பநிலையில் இருந்தது. பாம்பன், தொண்டி மற்றும் புதுச்சேரியில் 36 டிகிரி செல்சியஸ் பதிவானது. நுங்கம்பாக்கம், கன்னியாகுமரி, காரைக்கால் ஆகிய இடங்களில் 37 டிகிரி செல்சியஸ் வெப்பநிலை பதிவாகியுள்ளது.

தமிழகத்தின் சில பகுதிகளில் குறைந்த வளிமண்டலத்தில் காற்றின் திசை மாறி இடி, மின்னல் மற்றும் சில மாவட்டங்களில் பலத்த காற்று (மணிக்கு 40 கி.மீ.) வீசக்கூடும்.

நீலகிரி, கோவை, ஈரோடு, சேலம், தருமபுரி, கிருஷ்ணகிரி, திருப்பத்தூர் ஆகிய மாவட்டங்களில் நாளை ஓரிரு இடங்களில் கனமழை பெய்யக்கூடும். வரும் 8-ம் தேதி நீலகிரி, கோவை, திண்டுக்கல், தேனி, தென்காசி, விருதுநகர், திருநெல்வேலி ஆகிய மாவட்டங்களில் ஒரு சில இடங்களில் கனமழை பெய்ய வாய்ப்புள்ளது.

மேலும் சில வட மாவட்டங்கள் இன்று வெப்ப அலையை சந்திக்கலாம். பெரும்பாலான மாவட்டங்களில் வறண்ட வானிலை இருக்கும், ஆனால் சில பகுதிகளில் இடி மற்றும் மின்னலுடன் மழை பெய்ய வாய்ப்புள்ளது. சென்னையில் அதிகபட்ச வெப்பநிலை 40 டிகிரி செல்சியஸாக இருக்கும் என எதிர்பார்க்கப்படுகிறது.