8வது TNPL கிரிக்கெட் போட்டி தொடர் வருகின்ற ஜூலை 5ஆம் தேதி தொடங்கி ஆகஸ்ட் 4ஆம் தேதி வரை நடைபெற உள்ளதாக அறிவிப்பு வெளியாகி உள்ளது. சென்னை, சேலம், கோவை, நெல்லை மற்றும் திண்டுக்கல் ஆகிய ஐந்து இடங்களில் போட்டிகள் நடைபெறுகின்றன.

லீக் போட்டிகள் ஜூலை 5ஆம் தேதி முதல் ஜூலை 11ஆம் தேதி வரை சேலத்திலும், ஜூலை 13 முதல் 18ஆம் தேதி வரை கோவையிலும், ஜூலை 20 முதல் 24ஆம் தேதி வரை நெல்லையிலும், ஜூலை 26 முதல் 28ஆம் தேதி வரை திண்டுக்கல்லிலும், குவாலிபையர் 1, எலிமினேட்டர் போட்டிகள் வருகின்ற ஜூலை 30 மற்றும் 31 ஆம்  தேதி திண்டுக்கலில் நடக்கிறது. 2-வது குவாலிபையர் மற்றும் இறுதிப்போட்டிகள் ஆகஸ்டு 2 மற்றும் 4-ந் தேதிகளில் சென்னை சேப்பாக்கம் மைதானத்தில் நடைபெறுவதாக அறிவிக்கப்பட்டுள்ளது.