தமிழ் சினிமாவில் பிரபலமான இயக்குனராக இருப்பவர் பா. ரஞ்சித். இவர் தற்போது நடிகர் விக்ரமை வைத்து தங்கலான் என்ற திரைப்படத்தை இயக்கி வருகிறார். இந்தப் படத்தில் நடிகைகள் மாளவிகா மோகனன் மற்றும் பார்வதி ஆகியோர் கதாநாயகிகளாக நடிக்கிறார்கள். இந்தப் படம் ஆகஸ்ட் 15ஆம் தேதி சுதந்திர தினத்தை முன்னிட்டு ரிலீஸ் ஆகும் நிலையில் சமீபத்தில் டிரைலர் வெளியாகி நல்ல வரவேற்பை பெற்றது.

இந்நிலையில் தற்போது படத்தில் இடம்பெற்றுள்ள தங்கலானே என்ற பாடலை பட குழுவினர் வெளியிட்டுள்ளனர். இந்தப் படத்திற்கு ஜிவி பிரகாஷ் குமார் இசையமைத்துள்ள நிலையில் தற்போது இந்த பாடலை ஜிவி பிரகாஷ் மற்றும் அறிவு ஆகியோர் இணைந்து பாடியுள்ளனர். மேலும் இந்த பாடல் தற்போது ரசிகர்களை கவர்ந்து சோசியல் மீடியாவில் வைரலாகி வருகிறது.