சென்னை வானிலை ஆய்வு மையம் இன்று தமிழகம், புதுச்சேரி மற்றும் காரைக்கால் ஆகிய பகுதிகளில் வறண்ட வானிலை நிலவக்கூடும் என்றும் காலை நேரத்தில் பனிமூட்டம் நிலவும் என்றும் தெரிவித்துள்ளது. அதன் பிறகு தமிழகத்தில் நாளை கடலோர மாவட்டங்களில் மழை பெய்ய வாய்ப்புள்ளது. இதேபோன்று பிப்ரவரி 28ஆம் தேதி தென் தமிழகம் மற்றும் வட தமிழகத்தில் ஒரு சில இடங்களிலும் புதுவை மற்றும் காரைக்கால் ஆகிய பகுதிகளிலும் மழைக்கு வாய்ப்புள்ளது.

அதோடு பிப்ரவரி 28ஆம் தேதி தமிழகத்தில் கன்னியாகுமரி, திருநெல்வேலி, தூத்துக்குடி, ராமநாதபுரம், புதுக்கோட்டை, மயிலாடுதுறை, நாகை, திருவாரூர் மற்றும் தஞ்சாவூர் ஆகிய மாவட்டங்களில் கன மழைக்கு வாய்ப்புள்ளது.

இதேபோன்று மார்ச் 1ஆம் தேதி ராமநாதபுரம், தூத்துக்குடி, தென்காசி, திருநெல்வேலி, கன்னியாகுமரி ஆகிய மாவட்டங்களில் கனமழைக்கு வாய்ப்புள்ளது. மேலும் சென்னையை பொருத்தவரை இன்று வானம் மேகமூட்டத்துடன் காணப்படுவதோடு காலை நேரத்தில் பனிமூட்டம் நிலவும். இங்கு அதிகபட்ச வெப்பநிலை 32 முதல் 33 டிகிரி செல்சியஸ் ஆகவும் குறைந்தபட்ச வெப்பநிலை 23 டிகிரி செல்சியஸ் ஆகவும் இருக்கக்கூடும் என்று தெரிவிக்கப்பட்டுள்ளது.