“மீசைய முறுக்கு” என்ற படத்தில் நடித்த ஆனந்த் என்பவர் தற்போது இயக்குனராக களமிறங்கியுள்ளார். இவர் “நண்பன் ஒருவன் வந்த பிறகு” என்ற படத்தை தற்போது இயக்கியுள்ளார். மேலும் இப்படத்தை இயக்குனர் வெங்கட் பிரபு தயாரித்துள்ளார்.
இந்த படத்தின் முக்கிய கதாபாத்திரத்தில் ஆனந்த் நடித்த நிலையில், இவருடன் பவானி ஸ்ரீ, ஆர்.ஜே விஜய், மோனிகா, யூடியூபர் இர்ஃபான் மற்றும் பலர் நடித்துள்ளனர்.

இந்தப் படம் இளம் தலைமுறையினரின் நட்பை அடிப்படையாகக் கொண்டு எடுக்கப்பட்டதாகும். மேலும் இந்த படத்தில் தனுஷ் மற்றும் ஜிவி பிரகாஷ் பாடியுள்ளனர். இந்தப் படம் ஆகஸ்ட் 2-ம் தேதி வெளியாக உள்ள நிலையில், தற்போது ட்ரெய்லர் வீடியோ ஒன்றை படக்குழுவினர் வெளியிட்டுள்ளது. இந்த வீடியோ ரசிகர்கள் மத்தியில் மிகுந்த வரவேற்பை பெற்று வருகிறது.