தமிழ் சினிமாவில் 90களில் முன்னணி நடிகராகவும் அதன் பிறகு அரசியல்வாதியாகவும் திகழ்ந்தவர் தான் விஜயகாந்த். இவர் சமீப காலமாக உடல்நல குறைவால் பாதிக்கப்பட்டுள்ள நிலையில் அவரின் மகன்கள் அரசியலில் ஈடுபட்டு வருகிறார்கள்.  இந்நிலையில் தேமுதிக தலைவரும், நடிகருமான விஜயகாந்த் உடல்நிலையில் பின்னடைவு ஏற்பட்டதாக அவரது மகன் விஜயபிரபாகரன் நேற்று அதிர்ச்சி தகவலை தெரிவித்தார்.

இதனையடுத்து, தமிழ் சினிமா பிரபலங்கள் பலர் அவரை சந்திக்க நேரம் கேட்டதாகவும், அதற்கு தற்போது பார்க்க வர வேண்டாம் என குடும்பத்தினர் கூறிவிட்டதாகவும் தகவல் வெளியாகியுள்ளது. மேலும், அவரது உடல்நிலை விரைவில் சரியாக வேண்டும் என ரசிகர்கள் பிரார்த்தனை செய்கின்றனர்.