இந்திய சினிமாவில் பிரபலமான நடிகர்களில் ஒருவராக இருப்பவர் ரஜினிகாந்த். இவர் தற்போது தன்னுடைய 170-வது திரைப்படத்தில் லைக்கா நிறுவனம் தயாரிப்பில் நடித்து வருகிறார். இந்த படத்தை ஜெய் பீம் படத்தை இயக்கிய த.செ. ஞானவேல் இயக்குகிறார். அதன்பிறகு அமிதாப்பச்சன், பகத் பாஸில், துஷாரா விஜயன், ரித்திகா சிங், மஞ்சு வாரியர் உள்ளிட்ட பல பிரபலங்கள் முக்கிய வேடங்களில் நடிக்கிறார்கள்.

இந்நிலையில் நேற்று படத்தின் முக்கிய அப்டேட் வெளியாகும் என்று பட குழு அறிவித்திருந்த நிலையில் தற்போது ரிலீஸ் தேதியை அறிவித்துள்ளனர். அதன்படி நடிகர் ரஜினிகாந்த் போலீஸ் வேடத்தில் இருக்கும் போஸ்டரை வெளியிட்டு அக்டோபர் 10-ல் படம் வெளியாகும் என்று அறிவித்துள்ளனர். மேலும் இந்த தகவல் ரசிகர்கள் மத்தியில் மிகுந்த மகிழ்ச்சியை ஏற்படுத்தியுள்ளதோடு எதிர்பார்ப்பையும் அதிகரித்துள்ளது.