தமிழ் சினிமாவில் பிரபல நடிகராக இருப்பவர் காளி வெங்கட். இவர் சார்பட்டா பரம்பரை, ராட்சசன், லப்பர் பந்து உள்ளிட்ட பல்வேறு திரைப்படங்களில் நடித்துள்ளார். இவர் படங்களில் குணச்சித்திர வேடங்கள் மற்றும் வில்லன் கதாபாத்திரங்களில் நடித்து வருகிறார்.

இந்நிலையில் இவருடைய தாயார் விஜயலட்சுமி நேற்று இரவு உடல்நலக் குறைவின் காரணமாக காலமானார். இவருக்கு 72 வயது ஆகிறது. இன்று மதியம் இறுதிச் சடங்கு நடைபெறும் என்று குடும்பத்தினர் தெரிவித்துள்ளனர். மேலும் இவருடைய மறைவுக்கு பிரபலங்கள் பலரும் இரங்கல் தெரிவித்து வருகிறார்கள்.