நாடாளுமன்றத்தில் நேற்று கடும் அமளிக்கும் மத்தியில் வக்பு வாரிய சட்டத்திருத்த மசோதாவை மத்திய பாஜக அரசு நிறைவேற்றியது. இதற்கு எதிர்கட்சிகள் கடும் கண்டனம் தெரிவித்து வரும் நிலையில் வக்பு வாரிய சட்ட திருத்த மசோதாவுக்கு எதிராக ஏற்கனவே தமிழக சட்டசபையில் தீர்மானம் நிறைவேற்றப்பட்டுள்ளது.

நேற்று நடத்தப்பட்ட வாக்கெடுப்பில் 288 எம்பிக்கள் ஆதரவாகவும் 232 எம்பிகள் எதிர்ப்பும் தெரிவித்தனர். நேற்று நாடாளுமன்றத்தில் வக்பு வாரிய சட்டத்திருத்த மசோதாவை நிறைவேற்றிய நிலையில் இன்று திமுக எம்எல்ஏக்கள் சட்டசபைக்கு அதற்கு எதிர்ப்பு தெரிவிக்கும் விதமாக கருப்பு பேட்ஜ் அணிந்து வந்தனர். இந்நிலையில் மக்களவையில் வக்பு வாரிய மசோதா நிறைவேற்றியதை கண்டித்து திமுக எம்எல்ஏ-க்கள் பதாகை ஏந்தி ஆர்ப்பாட்டம் நடத்தினர்.