இந்தியா – பாகிஸ்தானுக்கு எதிரான போட்டியில் இஷான் கிஷானுக்கு பதிலாக கே.எல் ராகுல் இடம்பெறுவாரா? என விவாதிக்கப்படுகிறது.

2023 ஆசியக் கோப்பையின் சூப்பர்-4 சுற்றில் ஞாயிற்றுக்கிழமை (நாளை) இந்திய அணி பாகிஸ்தானை எதிர்கொள்கிறது. இரு அணிகளுக்கு இடையேயான முதல் போட்டி மழையால் கைவிடப்பட்டது.. பாபர் அசாம் தலைமையிலான பாகிஸ்தான் அணி இதுவரை சிறப்பான ஆட்டத்தை வெளிப்படுத்தி வருகிறது. சூப்பர்-4 இன் முதல் ஆட்டத்தில் அந்த அணி வங்கதேசத்தை வீழ்த்தியது. அதே நேரத்தில், ஜஸ்பிரித் பும்ரா திரும்பியதன் மூலம் இந்திய அணியும் உற்சாகமடையும்.

பும்ரா திரும்புவார் :

தனது மனைவி சஞ்சனா கணேசனுக்கு குழந்தை பிறந்த காரணத்தால் நேபாளத்துக்கு எதிரான போட்டியை தவறவிட்ட ஜஸ்பிரித் பும்ரா நேற்று மீண்டும் இந்திய அணியில் இணைந்தார். சூப்பர்-4 சுற்றில் பாகிஸ்தானுக்கு எதிரான போட்டியில் பும்ரா தனது பலத்தை வெளிப்படுத்துவார். பும்ரா வந்துள்ளதால் முகமது சிராஜ் அல்லது ஷமி இருவரில் யார் ஆடும் லெவனில் இருப்பார்கள் என்பது மிகவும் சுவாரஸ்யமாக இருக்கும். நேபாளத்துக்கு எதிராக சிராஜ் 3 விக்கெட்டுகளை வீழ்த்தினார். அதே நேரத்தில், ஷமி மிகவும் சிக்கனமாக பந்துவீசி இருந்தார்.

இஷான் கிஷனுக்கு பதிலாக ராகுல்?

கே.எல்.ராகுல் முழு உடல் தகுதியுடன் இருக்கிறார். இப்படிப்பட்ட சூழ்நிலையில் பாகிஸ்தானுக்கு எதிரான பிளேயிங் லெவனில் அவர் விளையாடலாம் என நம்பப்படுகிறது. இறுதி 11ல் ராகுல் சேர்க்கப்பட்டால், இஷான் கிஷான் அணியில் இருந்து நீக்கப்படலாம். பாகிஸ்தானுக்கு எதிரான முதல் போட்டியில்5வது இடத்தில் விளையாடும் போது இஷான் கிஷான் 82 ரன்கள் எடுத்தார். இருப்பினும், ஐந்தாவது இடத்தில் உள்ள கே.எல்.ராகுலின் சாதனை ஒருநாள் போட்டிகளிலும் சிறப்பாக உள்ளது. ஆனாலும் ஒருநாள் போட்டிகளில் தொடர்ந்து அரைசதம் அடித்து வரும் இஷான் கிஷனை நீக்குவதற்கான வாய்ப்பு மிகமிக குறைவுதான். 

இந்தியாவின் சாத்தியமான 11 பேர் : ரோஹித் சர்மா, ஷுப்மான் கில், விராட் கோலி, ஷ்ரேயாஸ் ஐயர், கே.எல். ராகுல்/இஷான் கிஷன், ரவீந்திர ஜடேஜா, ஹர்திக் பாண்டியா, குல்தீப் யாதவ், ஜஸ்பிரித் பும்ரா, ஷர்துல் தாக்கூர், முகமது சிராஜ்.

பாக்கிஸ்தானின்  சாத்தியமான 11 பேர் : ஃபகார் ஜமான், இமாம் உல் ஹக், பாபர் அசாம், முகமது ரிஸ்வான், ஆகா சல்மான், இப்திகார் அகமது, ஷதாப் கான், ஃபஹீம் அஷ்ரஃப், ஷாஹீன் அப்ரிடி, நசீம் ஷா, ஹாரிஸ் ரவுஃப்.