இயக்குனர் வெங்கட்பிரபு இயக்கத்தில் வெளியான தி கிரேட்டஸ்ட் ஆஃப் ஆல் டைம் (தி கோட் ) படத்தில் நடிகர் விஜய் நடித்துள்ளார். இப்படத்தை ஏஜிஎஸ் நிறுவனம் தயாரித்துள்ளது. இதில் பிரசாந்த், பிரபுதேவா, யோகி பாபு, சினேகா, லைலா, மீனாட்சி சவுத்ரி உட்பட பலர் முக்கிய கதாபாத்திரத்தில் நடித்துள்ளனர்.

மேலும் யுவன் சங்கர் ராஜா இசை அமைத்துள்ள இப்படத்தில் நடிகர் விஜய் இரட்டை வேடத்தில் நடித்துள்ளார். அதுமட்டுமல்லாது மறைந்த நடிகரும் தேமுதிக அரசியல் கட்சியின் தலைவருமான விஜகாந்தின் ஏஐ தோற்றத்தை பட குழுவினர் உபயோகித்து இருக்கின்றனர்.

அதுமட்டுமல்லாது நடிகர் விஜய்யின் இளம் வயதில் தோன்றும் காட்சிகள் இப்படத்தில் இருப்பதால் பெரிய அளவில் எதிர்பார்ப்பு இருந்தது. இந்நிலையில் கேரள மாநிலத்தில் அதிகாலை 4 மணிக்கு இப்படம் வெளியாகியுள்ளது. இதனையடுத்து தம்பானூர் பகுதியிலுள்ள நியூ திரை அரங்கில் திரையிடப்படும் 2-வது காட்சிக்காக மொத்த டிக்கெட்டையும் பெண் ரசிகர் மன்றம் வாங்கி மொத்த திரையரங்கத்தையும் மிரள வைத்துள்ளது. இந்த பெண் ரசிகர் மன்றம் தொடங்கி 9 ஆண்டுகள் ஆகின்றது என்பது குறிப்பிடத்தக்கது.