சுரேஷ் கோபி கேரள மாநிலம் திருச்சூர் தொகுதியில் பாஜக சார்பில் போட்டியிடுகிறார்..

வரும் 2024 மக்களவைத் தேர்தலில் போட்டியிடும் 195 பேர் கொண்ட வேட்பாளர் பட்டியலை பாஜக தேசிய பொதுச் செயலாளர் வினோத் தாவ்டே இன்று வெளியிட்டார். 543 மக்களவைத் தொகுதிகளுக்கான வேட்பாளர்களில் முதல் கட்டமாக 195 பேர் கொண்ட பட்டியல் வெளியிடப்பட்டுள்ளது. ஆளும் கட்சியால் முதலில் அறிவிக்கப்பட்ட பட்டியலில், கேரளாவில் இருந்து போட்டியிடும் 12 வேட்பாளர்களின் பெயர்கள் முதலில் வெளியிடப்பட்டன. கோழிக்கோடு தொகுதியில் மூத்த வீரர் எம்டி ரமேஷ் வேட்பாளராகவும், முன்னாள் பாதுகாப்பு அமைச்சரும் காங்கிரஸ் மூத்த தலைவருமான ஏ.கே.ஆண்டனியின் மகன் அனில் ஆண்டனி பத்தனம்திட்டா தொகுதியில் நிறுத்தப்பட்டுள்ளனர். 

எதிர்பார்த்தபடி, பிரபல மலையாள நடிகர் சுரேஷ் கோபி திருச்சூர் தொகுதியில் நிறுத்தப்பட்டார், மத்திய இணை அமைச்சர் ராஜீவ் சந்திரசேகர் திருவனந்தபுரத்தில் கட்சியின் வேட்பாளராக அறிவிக்கப்பட்டார். காங்கிரஸ் தலைவர் சசி தரூர் திருவனந்தபுரம் எம்.பி.யாக உள்ளார். மூத்த கம்யூனிஸ்ட் தலைவர் பன்னியன் ரவீந்திரனும் தொகுதியில் போட்டியிடுகிறார்.  

12 பேர் கொண்ட பட்டியலில் கேரள பாஜக தலைவர் கே சுரேந்திரன் பெயர் இடம்பெறவில்லை. சுரேந்திரன் எதிர்வரும் தேர்தலில் போட்டியிடப் போவதில்லை என உறுதியளித்துள்ளதாக செய்திகள் வெளியாகியுள்ளன. தென் மாநிலத்தில் மொத்தம் 20 மக்களவைத் தொகுதிகள் உள்ளன. 

அதேநேரத்தில் 2024 நாடாளுமன்ற தேர்தலில் வாரணாசி தொகுதியில் பிரதமர் நரேந்திர மோடி மீண்டும் போட்டியிடுகிறார். 2014 மக்களவைத் தேர்தல் முதல் வாரணாசி தொகுதியில் 3வது முறையாக போட்டியிடுகிறார் பிரதமர் மோடி. குஜராத்தின் காந்தி நகர் தொகுதியில் மத்திய அமைச்சர் அமித்ஷா போட்டியிடுகிறார். மத்திய அமைச்சர் கிரண் ரிஜிஜூ அருணாச்சல பிரதேசம் மேற்கு தொகுதியில் போட்டியிடுகிறார். உத்தரபிரதேசத்தின் லக்னோ தொகுதியில் ராஜ்நாத் சிங் மீண்டும் போட்டியிடுகிறார். மேலும் மதுரா தொகுதியில் நடிகை ஹேமமாலினி போட்டியிடுகிறார்.

80 மக்களவைத் தொகுதிகளை கொண்ட உத்தரபிரதேச மாநிலத்தில் 51 தொகுதிகளுக்கான பாஜக வேட்பாளர்கள் அறிவிக்கப்பட்டுள்ளனர்.  மேலும் மேற்கு வங்கம் 20, மத்திய பிரதேசம் 24, குஜராத் 15, ராஜஸ்தான் 15, தெலுங்கானா 9, அசாம் 11, ஜார்கண்ட் 11, சத்தீஸ்கர் 11, டெல்லி 5, ஜம்மு காஷ்மீர் 2, உத்தரகாண்ட் 3, அருணாச்சல பிரதேசம் 2, கேரளா 12 தொகுதிகளுக்கு முதல் கட்ட வேட்பாளர் பட்டியல் வெளியிடப்பட்டுள்ளது. அதேபோல கோவா, திரிபுரா அந்தமான், டையூ -டாமன் தலாஒரு தொகுதிக்கு  முதல் கட்ட வேட்பாளர் பட்டியல் வெளியிடப்பட்டுள்ளது. பாஜக வெளியிட்ட முதல் கட்ட வேட்பாளர் பட்டியலில் தமிழக வேட்பாளர்கள் இன்னும் அறிவிக்கப்படவில்லை..

லோக்சபா தேர்தல் 2024: கேரள பாஜக வேட்பாளர்கள் முதல் பட்டியல்

பாலக்காடு: சி கிருஷ்ணகுமார்

திருச்சூர்: சுரேஷ் கோபி

ஆலப்புழா: சோபா சுரேந்திரன் 

பத்தனம்திட்டா: அனில் ஆண்டனி 

திருவனந்தபுரம்: ராஜீவ் சந்திரசேகர் 

கோழிக்கோடு: எம்.டி.ரமேஷ் 

மலப்புரம்: டாக்டர் அப்துல் சலாம்

பொன்னானி: நிவேதிதா சுப்ரமணியன்

அட்டிங்கல்: வி முரளிதரன்

வடகரை: பிரஃபுல் கிருஷ்ணா

காசர்கோடு: எம்.எல்.அஷ்வினி

கண்ணூர்: சி ரகுநாத்