தமிழ் சினிமாவில் பொல்லாதவன் என்ற திரைப்படத்தின் மூலம் இயக்குனராக அறிமுகமானவர் வெற்றிமாறன். முதல் படத்திலேயே தனக்கான வெற்றியை பதித்த வெற்றிமாறன் அடுத்தடுத்து இயக்கிய அனைத்து படங்களும் வெற்றி தான். அவர் இயக்கத்தில் தோல்வி படங்கள் என்று கிடையாது. அந்த வரிசையில் தற்போது சூரி கதாநாயகனாக நடித்துள்ள விடுதலை திரைப்படமும் சூப்பர் ஹிட் ஆகியுள்ளது. விடுதலை படத்தை பார்ப்பவர்கள் எல்லாரும் வெற்றிமாறனை பாராட்டி வருகிறார்கள்.

அந்த வகையில் பயில்வான் ரங்கநாதனும் விடுதலை திரைப்படத்தை பாராட்டியுள்ளார். இது குறித்து அவர் வெளியிட்டுள்ள பதிவில் சூரி, விஜய் சேதுபதி போன்றோர் அற்புதமான நடிப்பை வெளிப்படுத்தியுள்ளனர். வெற்றிமாறன் விடுதலை திரைப்படத்தை அருமையாக எடுத்துள்ளார். வேல்ராஜ் படத்திற்கு நன்றாக ஒளிப்பதிவு செய்துள்ளார். அவருக்கு கண்டிப்பாக தேசிய விருது கிடைக்கும். மேலும் விடுதலை திரைப்படம் பொழுதுபோக்குக்கான படம் கிடையாது. அது சிந்திக்க வைக்க கூடிய படம் என்று பாராட்டியுள்ளார்.