திருப்பதி கோவிலில் வழங்கப்படும் லட்டு பிரசாதத்தில் கலப்பட நெய் பயன்படுத்தப்படும் சம்பவம் சமூகவலைதளங்களில் பெரும் சர்ச்சையை ஏற்படுத்தியுள்ளது. ஆந்திர மாநிலத்தின் துணை முதல்வர் பவன் கல்யாணின் பதில் மற்றும் நடிகர் பிரகாஷ் ராஜின் விமர்சனம் போன்றவை விவாதத்தின் மையமாக விளங்குகின்றன. பிரசாதத்தில் விலங்குகளின் கொழுப்பு கலந்து இருப்பது குறித்து விசாரணை செய்யுமாறு ஆந்திர முதல்வர் சந்திரபாபு நாயுடு அறிவித்துள்ளார், இதனால் சர்ச்சை மேலும் ஊடுபடியாகி இருக்கிறது.

பவன் கல்யாண், திருப்பதி லட்டில் விலங்குகளின் கொழுப்பு சேர்க்கப்பட்டுள்ளது குறித்து தனது கவலையை வெளிப்படுத்தியுள்ளார். இது தொடர்பான விசாரணை நிச்சயமாக நடைபெறும் என்றும் அவர் கூறியுள்ளார். அதே நேரத்தில், நடிகர் பிரகாஷ் ராஜ், பவன் கல்யாணின் கருத்துக்களை விமர்சித்து, மாநிலத்தில் நடந்த சம்பவத்தை தேசிய அளவுக்கு கொண்டு செல்ல தேவையில்லை எனக் குறிப்பிட்டுள்ளார். அவரது கருத்துக்கு பிறகு, நடிகர் மஞ்சு விஷ்ணு, பவன் கல்யாணின் நிலைப்பாட்டை ஆதரித்து வரவேற்பை தெரிவித்தார்.

இந்த சர்ச்சையில் நெட்டிசன்களின் கருத்துக்கள் மாறுபடுகின்றன. சிலர் மத ரீதியான கவலையை பரப்புவது சரியாக இல்லை என்றும், பிரசாதத்தில் மாட்டிறைச்சி மற்றும் பன்றி இறைச்சியின் கொழுப்பு கலந்து இருப்பது குறித்து விவாதிக்க வேண்டும் என்றும் கூறியுள்ளனர். இதைப் பற்றி எப்படி பேசக்கூடாது என நீங்கள் சொல்லலாம் எனபவன் கல்யாண் கேட்டிருந்தார். இதற்கு தற்போது நடிகர் பிரகாஷ்ராஜ் பதிலடி கொடுத்துள்ளார்.

அதற்கு பவன் கல்யாண் அவர்களை நான் கூறிய கருத்தை நீங்கள் தவறாக புரிந்து கொண்டு விட்டீர்கள். நான் தற்போது வெளிநாட்டில் படப்பிடிப்பு கொண்டிருக்கிறேன். அங்கிருந்து ஊருக்கு திரும்பிய பிறகு உங்களுடைய கருத்துக்கு பதில் அளிக்கிறேன். அதற்குள் நான் பதிவிட்டது என்று அர்த்தம் உங்களுக்குப் புரிந்து விட்டால் மகிழ்ச்சி என்று தெரிவித்துள்ளார். மேலும் பவன் கல்யாண் மற்றும் பிரகாஷ்ராஜ் இடையே லட்டு விவகாரத்தில் மோதல் வெடித்துள்ளது பரபரப்பு ஏற்படுத்தி உள்ளது.