பழைய வண்ணாரப்பேட்டை திரைப்படத்தின் வாயிலாக தமிழ் திரையுலகிற்கு டைரக்டராக அறிமுகமானவர் மோகன் ஜி. இவர் இயக்கத்தில் திரெளபதி, ருத்ரதாண்டவம் உள்ளிட்ட படங்கள் வெளியாகி வரவேற்பை பெற்று சில சர்ச்சைகளையும் கிளப்பியது. இந்த படங்களை அடுத்து இவர் இயக்கியுள்ள பகாசூரன் படத்தில் டைரக்டர் செல்வராகவன் கதையின் நாயகனாகவும், நட்டி நட்ராஜ், ராதாரவி போன்றோர் முக்கியமான கதாப்பாத்திரத்திலும் நடித்திருக்கின்றனர். இப்படத்திற்கு சாம்.சிஎஸ் இசை அமைக்கிறார்.

பகாசூரன் திரைப்படத்தின் படப்பிடிப்பு முடிவடைந்து பின்னணி பணிகள் மும்முரமாக நடந்து வருகிறது. இந்த படத்தின் பாடல்கள் மற்றும் டிரைலர் அண்மையில் வெளியாகி கவனம் ஈர்த்தது. இத்திரைப்படத்திற்கு தணிக்கை குழு யு/ஏ சான்றிதழ் வழங்கி உள்ளது. இந்த நிலையில் பகாசூரன் ரிலீஸ் தேதி குறித்த அறிவிப்பு வெளியாகி இருக்கிறது. அந்த வகையில் இப்படம் வரும் பிப்ரவரி 17ஆம் தேதி திரையரங்குகளில் ரிலீஸ் ஆகவுள்ளது என்பதை படக்குழு போஸ்டர் ஒன்றை வெளியிட்டு அறிவித்து உள்ளது. அதேபோல் தனுஷ் நடித்திருக்கும் “வாத்தி” திரைப்படமும் பிப்ரவரி 17 ஆம் தேதி திரையரங்குகளில் ரிலீஸ் ஆகவுள்ளது குறிப்பிடத்தக்கது.