வங்கதேசத்தின் சத்கிரா சியாம்நகர் பகுதியில் அமைந்துள்ள பிரசித்தி பெற்ற ஜெசோரேஷ்வரி காளி தேவி கோவில், இந்தியா மற்றும் அண்டை நாடுகளில் உள்ள 51 சக்தி பீடங்களில் ஒன்றாக மதிக்கப்படுகிறது. இந்து புராணங்களின்படி, இக்கோவிலின் முக்கியத்துவம் பெரிதும் பேசப்படுவதால், இந்து பக்தர்கள் இங்கு வழிபாட்டிற்கு வருகின்றனர்.

2021ஆம் ஆண்டு மார்ச் 27ஆம் தேதி, இந்திய பிரதமர் நரேந்திர மோடி தனது வங்காளதேச சுற்றுப் பயணத்தின் போது, ஜெசோரேஷ்வரி காளி கோவிலுக்கு வந்தார். அப்போது, அவர் காளி தேவி சிலைக்கு தங்க முலாம் பூசப்பட்ட வெள்ளி கிரீடம் ஒன்றை பரிசாக அளித்தார். இந்த பரிசு, கோவிலில் வைத்து வைக்கப்பட்டு பக்தர்களால் பாராட்டப்பட்டது.

சமீபத்தில், பிரதமர் மோடி பரிசாக வழங்கிய அந்த வெள்ளி கிரீடம் திருடு போனது. கோவில் பூசாரி தினசரி பூஜையை முடித்துவிட்டு கிளம்பிய பின் மதியம் 2 மணி முதல் 2.30 மணிக்குள் இந்த திருட்டு நடந்தது என தகவல்கள் வெளிவந்துள்ளன. திருட்டின் பின்னணியில் யார் இருக்கின்றனர் என்பது பற்றிய விசாரணை நடைபெறுகிறது.

இதுகுறித்து வழக்குபதிவு செய்த போலீசார்  சி.சி.டி.வி. காட்சிகள் மற்றும் பிற ஆதாரங்களின் அடிப்படையில் திருட்டில் சம்பந்தப்பட்டவர்களை கண்டறிந்து நடவடிக்கை எடுக்க முயற்சி மேற்கொள்ளப்பட்டு வருகிறது.