லத்தி திரைப்படத்தை அடுத்து இப்போது விஷாலின் 33வது படத்தை திரிஷா இல்லனா நயன்தாரா, அன்பானவன் அசராதவன் அடங்காதவன் உள்ளிட்ட படங்களை இயக்கிய ஆதிக் ரவிச்சந்திரன் டைரக்டு செய்து வருகிறார். இந்த படத்துக்கு “மார்க் ஆண்டனி” என பெயரிடப்பட்டு இருக்கிறது. இத்திரைப்படத்தின் கதாநாயகியாக ரித்து வர்மா நடித்து வருகிறார். அதோடு இயக்குனரும் நடிகருமான எஸ்.ஜே.சூர்யா முக்கியமான கதாப்பாத்திரத்தில் நடித்து வருகிறார்.

இந்த படத்திற்கு ஜி.வி பிரகாஷ் இசையமைக்கிறார். அண்மையில் இப்படத்தின் பர்ஸ்ட் லுக் போஸ்டரானது வெளியாகி வைரலாகியது. இப்படத்தின் இறுதிக்கட்ட சூட்டிங் மும்முரமாக நடந்து வருகிறது. சில நாட்களுக்கு முன் மார்க் ஆண்டனி படப்பிடிப்பு தளத்தில் விபத்து ஏற்பட்ட வீடியோ இணையத்தில் வைரலாகியது.

அதனை தொடர்ந்து மார்க் ஆண்டனி படத்தில் டைரக்டர் செல்வராகன் முக்கியமான கதாப்பாத்திரத்தில் நடித்திருப்பதாக போஸ்டர் வெளியிட்டு படக்குழு தெரிவித்திருந்தது. இந்த நிலையில் இப்படத்தின் புது அப்டேட் வெளியாகி இருக்கிறது. அந்த வகையில் மார்க் ஆண்டனி படத்தின் மோஷன் போஸ்டர் இப்போது வெளியாகியிருக்கிறது. இந்த வீடியோவானது சமூகவலைதளத்தில் ரசிகர்களின் கவனம் ஈர்த்து வருகிறது.